Багшийн ёс зүйн дүрэм, ёс зүйн зөвлөлийн ажиллах журам захиргааны хэм хэмжээний актын улсын бүртгэлд бүртгэгдлээ. 

"АРХИДАЛТГҮЙ АЙМАГ - ДУНДГОВЬ" сурталчилгаа, мэдээллийн өдөрлөг зохион байгуулагдлаа. 

2018.10.24 - ний өдөр Дундговь аймгийн ЗДТГазар, Монголын эрэгтэйчүүдийн хөгжлийн нийгэмлэгээс хамтран зохион байгуулж буй "Архидалтгүй аймаг - Дундговь" сурталчилгаа мэдээллийн өдөрлөг зохион байгуулагдлаа. Монголын эрэгтэйчүүдийн хөгжлийн нийгэмлэгийн тэргүүн н.Цогтсугар, тус нийгэмлэгийн ерөнхий менежер н.Батсайхан нар төрийн байгууллагуудын удирдлагууд, ажилтан, албан хаагчид, иргэдэд "Бүтээлч сэтгэлгээ, тархины гайхамшиг" лекц, 6 - 9 ангийн сурагчдад цахим орчны сөрөг нөлөөллөөс өөрийгөө хамгаалах, эцэг эх, багш, үе тэнгийнхэнтэйгээ харилцах эерэг харилцаа хандлага, үгийн хүч, архигүй ирээдүй зэрэг сэдвүүдээр мэдээлэл өглөө. 

"Ерөнхий боловсролын сургуулийн орчинд худалдаалахыг хориглосон хүнсний бүтээгдэхүүн" - ий жагсаалтыг танилцуулж байна. 

ЭРҮҮЛ МЭНДИЙН САЙДЫН 2013 оны 06 сарын 04 - ний өдрийн 207 дугаар тушаалын 3 дугаар хавсралтын дагуу сургуулийн орчинд худалдаалахыг хориглосон бүтээгдэхүүнүүдийн жагсаалтыг хоол үйлдвэрлэгч, борлуулагч, эцэг эх, асран хамгаалагчдад танилцууллаа. Дээрх жагсаалтанд орсон хоол, хүнсний бүтээгдэхүүнээр үйлчилсэн, худалдаалсан тохиолдолд тухайн худалдаа, хоол үйлдвэрлэл эрхлэгчийг журам зөрчсөн заалтаар мэргэжлийн хяналтын улсын байцаагчийн дүгнэлтээр үйл ажиллагааг зогсоон, шаталсан арга хэмжээг авдаг байна. 

Сургууль, дотуур байрын орчинд "ЭРСДЭЛИЙН ҮНЭЛГЭЭ" - г хийж, эрсдэлт нөхцлийг бууруулах арга хэмжээг авлаа. 

Сургуулийн захирлын 2016 оны 04 сарын 22 - ны өдрийн А/01тоот тушаалаар байгуулагдсан ХАБЭА - н орон тооны бус зөвлөлөөс 2018.09.10 - нд БСШУССайдын 2018.07.31 - ний өдрийн А/476 тоот тушаалын хавсралтын 6.2.3, Дундговь аймгийн БСУГ - ын 2018.09.10 - ны өдрийн 125 тоот албан бичгүүдийг тус тус үндэслэн сургууль дотуур байрын орчинд урьдчилан сэргийлэх үзлэг, эрсдэлийн үнэлгээг хийж, сургуулийн нярав, дотуур байрын багш, анги удирдсан багш нарт орчны эрсдэлийг бууруулах чиглэлээр хийх нийт 32 шаардлагыг хүргүүлэн, 2018.09.21 - ний өдөр мэдэгдэх хуудсаар өгсөн зөвлөмжийг шалган хүлээж авлаа. Тус үнэлгээний хүрээнд анги танхим, сургууль, дотуур байрын орчинд эрүүл мэндийн булан, цахилгааны аюулгүй байдал, цонхны дулаалга, шатны болон хашаа хайсны аюулгүй байдал, өвөлжилтийн бэлтгэл хангалтын чиглэлээр нийт 1.026.000 төгрөгийн ажлууд хийгдсэн байна.

"БАГУУДЫН НЭГДСЭН ӨДӨРЛӨГ" - өөр сургуулийн үйл ажиллагаагаа танилцууллаа. 

2018.10.19 - ний өдөр 3 багийн нэгдсэн өдөрлөг зохион байгуулагдаж өнгөрлөө. Тус өдөрлөгөөр сургуулийн захирал сургуулийн үйл ажиллагааны талаар нэгдсэн ойлголтыг, сургалтын менежер үнэлгээний шинэчилсэн журмыг, нийгмийн ажилтан хүүхэд хамгааллын бодлого, сургуулийн орчинд гар утас, цахим хэрэгслийн ашиглах журам болон хүүхэд хамгааллын аюулгүй байдлын зөвлөмжүүдийг тус тус танилцуулан, үнэлгээний шинэчилсэн журам, чухал шаардлагатай үед холбоо барих утасны дугааруудыг хуралд оролцсон 126 иргэнд брошур байдлаар бэлтгэн хүргэлээ. 

"ХӨДӨЛМӨР НЭГДЭЛ" - ийн ахмадууд сургуулийн үйл ажиллагаатай танилцлаа. 

"Хөдөлмөр нэгдэл" үүсгэн байгуулагдсаны 70 жилийн ойн хүрээнд тус нэгдэлд ажиллаж байсан үе үеийн ажилтан ажиллагсдын төлөөлөл болсон 50 гаруй ахмад сургуулийн үйл ажиллагаатай танилцахаар хүрэлцэн ирлээ. Энэ үеэр сургуулийн захирал БТА, Боловсрол судлалын магистр, тэргүүлэх багш Н.Долгоржав өөрийн сургуулийн үйл ажиллагааны амжилт ололт, менежментийн төлөвлөлт, сургуулийн орчин, бүтээн байгуулалтуудаа танилцуулж, хүндэтгэл үзүүллээ. 

"СУРГУУЛИЙН ОРЧИНД ГАР УТАС, ЦАХИМ ХЭРЭГСЭЛ БОЛОН СҮЛЖЭЭГ ЗОХИСТОЙ ХЭРЭГЛЭХ ЖУРАМ" батлагдлаа. 

БСШУСЯамны сайдын 2018.09.28 - ны А/608 тоот тушаалаар сургуулийн орчинд гар утас, цахим хэрэгсэл болон сүлжээг зохистой хэрэглэх журам батлагдсан. Тус журмын дагуу багш болон суралцагч, хичээлд суухаар ирсэн эцэг эх, асран хамгаалагч нар гар утас, түүнтэй адилтгах цахим хэрэгслээ унтраасны дараагаар сургалтын үйл ажиллагааг эхлүүлэхээр болсон байна. Мөн эцэг эх, асран хамгаалагч нар хүүхэдтэйгээ хичээлийн цагаар холбогдох шаардлага гарсан тохиолдолд сургуулийн чухал шаардлагатай үед холбогдох утасруу залган холбогдох боломжтой юм. /Чухал шаардлагатай үед холбоо барих утасны жагсаалтыг анги танхимууд, үйл ажиллагааны мэдээллийн самбар, сургуулийн блог хуудас, Dundgovi.gov.mn сайтын сургуулийн мэдээллийн хэсгээс харж болно./

Сурагчдыг цахим орчинд соёлтой оролцох дадлыг сурталчлах чиглэлээр "UNFRIEND CHALLENGE" - д нэгдэн, цахим орчинд өөрийгөө хамгаалах дадлыг олгох сургалтыг дунд ангийнханд зохион байгуулсан ба эцэг эх асран хамгаалагч та бүхэн өөрийн хүүхдээ цахим донтолт болон халдлага, гадуурхалд өртөхөөс урьдчилан сэргийлэх зөвлөмжийг тогтмол өгч, эрсдэлтэй байдал үүссэн тохиолдолд цахим донтолт болон халдлага, гадуурхалд өртсөн тохиолдолд сургуулийн хүүхэд хамгааллын нэгжид /сургуулийн нийгмийн ажилтан, сургуулийн захирал нарт/ хандан, хамтран ажиллахыг хүсье. 

"ДЭЛХИЙН ГАР УГААХ ӨДӨР" - ийг тэмдэглэн өнгөрүүллээ. 

НҮБ-ын Ерөнхий Ассемблей 2008 оноос жил бүрийн 10-р сарын 15-ны өдрийг “Дэлхийн гар угаах өдөр” хэмээн тунхаглан тэмдэглэх болсноор эдүгээ 10 дахь жилтэйгээ золгож байна. Жил бүр 3,5 сая гаруй хүүхэд 5 хүртлэх насандаа хүрэлгүй амь насаа алдаж байгаа бөгөөд тэдний эндэгдлийн гол шалтгаан нь амьсгалын замын ба гэдэсний халдварт өвчин байдаг. /Үүнд: гепатит, цусан суулга, гэдэсний балнад, иж балнад, гар хөл амны өвчин, цагаан хорхой, хялгасан хорхой,туузан хорхой, бэтэг, бруцеллёз, томуу, томуу төст өвчнүүд, шувууны томуу, А(H1N1)  гэх мэтийн шинэ вирүсүүд, уушигны хатгаа, менингококкт халдвар, шархны халдвар, хүйн халдвар, нүдний үрэвсэл, суулгат халдварт өвчнүүд/ Тиймээс ч гараа зөв угаах нь эрүүл мэндээ хамгаалах хамгийн энгийн бөгөөд үр дүнтэй арга гэдгийг ойлгуулах зорилготойгоор "Дэлхийн гар угаах өдөр" - ийг тэмдэглэн өнгөрүүлдэг билээ. Манай сургууль тус өдрийг угтан эрүүл мэндийн "Жаргалан" бүлгэмийн сурагчдаас 1 дүгээр ангийн бяцхан дүү нартаа гараа зөв угаах дадлыг зааж, сургуулийн нийт сурагчдад гар угаах зөвлөмжийг бэлтгэн тараалаа. 

"МОД ТАРИХ ӨДӨР" - ийг ТЭМДЭГЛЭН ӨНГӨРҮҮЛЛЭЭ. 

Байгаль орчин, аялал жуулчлалын газрын нээлттэй хаалганы өдөрлөг зохион байгуулагдаж, төгсөх ангийн сурагчдад "НОГООН ПАСПОРТ" аяны танилцуулах сургалтыг хийн, "НОГООН ПАСПОРТ" гардууллаа. Мөн Монгол Улсын Ерөнхийлөгчийн зарлигаар "МОД ТАРИХ ҮНДЭСНИЙ ӨДӨР" - ийг тэмдэглэн өнгөрүүлж, багш сурагчдын хамтаар сургуулийнхаа ногоон байгууламжинд 30 суулгац /Шар хуайс, Сухай/ нэмж тариаллаа. 

"САЙЖРУУЛСАН АРИУН ЦЭВРИЙН БАЙГУУЛАМЖТАЙ БОЛЛОО"

ДЗОУБ - ын ОНХХөтөлбөр, МОБИКОМ корпораци, ОНХСангийн санхүүжилтээр 80.000.000 төгрөгийн өртөг бүхий сайжруулсан ариун цэврийн байгууламжийг иж бүрнээр нь барьж, ашиглалтанд орууллаа. 

"UNFRIEND" ХӨДӨЛГӨӨН БОЛОН ГЭМТ ХЭРГЭЭС УРЬДЧИЛАН СЭРГИЙЛЭХ МЭДЭЭ МЭДЭЭЛЛИЙГ "ДУНДГОВЬ АЙМГИЙН ЦАГДААГИЙН ГАЗАР" - ын БОЛОН "ЦАГДААГИЙН ЕРӨНХИЙ ГАЗРЫН УРЬДЧИЛАН СЭРГИЙЛЭХ ХЭЛТЭС" - ийн ФЭЙСБҮҮК ХУУДАСНААС ХҮЛЭЭН АВНА УУ. 

https://www.facebook.com/MongolianPolice/?__tn__=kCH-R&eid=ARD3bICL1l0pNUlHlq7sFf6cJdV2N5UJ8ehAY8hhOHXD386RjlUs6TgJvzLSTj2oRTVDHBigvbHE_DfV&hc_ref=ARTZHfDiXQTFkqPKkDonRdcQzy2fMeHlnKIIaUl7J_tY3nMELXVpMvH-FGF8N_9c6aw&fref=nf&__xts__[0]=68.ARBx1v5ah4m5VzgqJJRBAf9o_6kUbOyPl5ctFdyfZZlGhz4keD3lSbQRPH8CZ3nwWhRlTU4IoplHmGMlA_V0PU4dkID5QFUKEvx4yrU9LlpFY50KThihFUZ-QaO5DuEUO1HO9bCkDMdTvsBOOENrQhHngZrpasdP5daku3H_DvsYlEY3gLlFHA

https://www.facebook.com/dundgoviPolice/

"АЛТАН НАМАР" СПАРТАКИАД ЗОХИОН БАЙГУУЛАГДЛАА. 

2018.09.26 - ны өдөр жил бүр уламжлал болгон зохион байгуулагддаг хүүхдийн спортын "Алтан намар" арга хэмжээ зохион байгуулагдаж, 1 - 3, 4 - 6, 7 - 9 ангиуд спортын 7 төрлөөр өрсөлдөн шилдэг тамирчид болон ангиудаа шалгарууллаа. 

"ЭЦЭГ ЭХИЙН НЭГДСЭН ХУРАЛ - ХӨДӨЛМӨР СОЁЛЫН ЧУУЛГАН" зохион байгуулагдлаа. 

2018.09.17 - ны өдөр эцэг эхийн нэгдсэн хурлыг хийж, "Хүүхэд хамгааллын бодлого", Үнэлгээний шинэчилсэн журам, сургуулийн үйл ажиллагааны хэтийн төлөв, менежментийн чиглэлээ танилцуулан, сэтгэл ханамжийн үнэлгээг авлаа. 

Мөн тус өдөр 1 - 9 ангийн нийт сурагчдын зуны амралтаараа хийж бүтээсэн бүтээл, шинээр сурсан зүйлсээр үзэсгэлэн худалдаа зохион байгуулж, сурагчдаас үзэсгэлэнд зориулан гаргасан 15 нэр төрлийн бүтээгдэхүүн болон бүтээлээс орон нутгийн удирдлагууд болон иргэд 799.200 төгрөгийн худалдан авалтыг хийсэн байна.