ЛУУС СУМЫН ЕБС - д НЯРАВЫН АЖЛЫН БАЙР ЗАРЛАГДЛАА. 

2018.11.26 - ны өдрийг дуустал материалыг сургуулийн бичиг хэргийн ажилтан дээр хүлээн авна. Дэлгэрэнгүйг дараах линкээр орж харна уу. 

http://www.dundgovi.gov.mn/data/main/main1542776230.pdf

ӨМӨЗО - ы БАЯННУУР АЙМГИЙН МОНГОЛ СУРГУУЛИУДЫН ҮЙЛ АЖИЛЛАГААТАЙ ТАНИЛЦАХ, ТУРШЛАГА СУДЛАХ АЯЛАЛ ЗОХИОН БАЙГУУЛАГДЛАА. 

2018 оны 11 сарын 13 - 16 - ны хооронд ӨМӨЗО - ы Баяннуур аймгийн Ганц мод, Халиут хошууны болон төвийн Монгол сургуулиудын үйл ажиллагаатай танилцах аялалыг Дундговь аймгийн ЗДТГазраас зохион байгуулж, 10 багшийг туршлага судлах аялалд хамрууллаа. 

Тус аялалын хүрээнд 4 Монгол сургуулийн сургалтын орчин, үйл ажиллагаатай танилцаж,  Ганц модны боомтын Монгол бага сургуульд сурах бичгийн дээжийг гардуулан, Ляньхо хотын Монгол бага сургуульд Дундговь аймгийн Мандал сургуулийн бага ангийн багш н.Даваажав /Монгол улсын зөвлөх багш/, ЭДЦСургуулийн бага ангийн багш О.Эрдэнэтөгс /Тэргүүлэх зэрэгтэй/ нар математикийн хичээл зааж, харилцан туршлагаа хуваалцлаа. 

"ТӨРИЙН БАЙГУУЛЛАГУУДЫН НЭЭЛТТЭЙ ХААЛГАНЫ ӨДӨРЛӨГ" зохион байгуулагдлаа. 

2018 оны 11 сарын 07 өдөр төрийн байгууллагуудын нээлттэй хаалганы өдөрлөг зохион байгуулагдаж, сургуулийн захирал Н.Долгоржав хөрөнгө оруулалт, үйл ажиллагааны амжилт ололтоо танилцуулан, багш ажилтнуудын бүтээлийн үзэсгэлэн гаргаж, "Эерэг бол гоё - Эерэг болгоё" аяны хүрээнд нийгмийн ажилтан Г.Цолмон "Багш - Хүүхэд - Эцэг эхийн харилцаа" сургалтыг зохион байгуулж, сургуулийн үйл ажиллагааны сэтгэл ханамж болон багш ажилтнуудын ёсзүйн үнэлгээ судалгааг авч нэгтгэхэд цаг ашиглалт болон ёс зүйн ерөнхий үнэлгээ 95,7 хувьтай дүгнэгдлээ. 

"ЦАХИМ ОРЧИН ЗӨВ БОЛ ГОЁ - ЦАХИМ ОРЧНЫГ ЗӨВ БОЛГОЁ" 

Цагдаагийн ерөнхий газрын урьдчилан сэргийлэх хэлтсээс "Цахим орчныг зөв болгоё" сарын аяныг эхлүүлэн, БСШУСЯамны сайд энэ санаачлагыг дэмжин ажиллаж байна. Аяны хүрээнд бүх ерөнхий боловсролын байгууллагууд эцэг эх, асран хамгаалагч, хүүхэд багачууд, багш ажилтан ажиллагсдадаа цахим орчны соёлтой бөгөөд эерэг оролцогч байхыг уриалсан үйл ажиллагааг эрчимжүүлэн зохион байгуулж байгаа бөгөөд манай сургууль энэ аяны хүрээнд 2016 онд хийгдсэн "Цахим орчинд соёлтой оролцоцгооё" шторкоо та бүхэнд хүргэж байна. Та бүхэн өөрөө үзсэн бол бусдадаа бас дамжуулан түгээж, хамтаараа цахим орчныг эерэг болгох давалгаанд нэгдээрэй.